П – како плажа, П – како планина, П – како понуда и П – како партали се четирите основни намени на буквата “П” без кои не поминува ниту една летна сезона, база за лето исполнето со разно-разни активности кои дефинитивно ќе допринесат за имање лето кое ќе остане врежано во твојата меморија… подолго од очекуваното!
Океј, тоа го дефиниравме, ајде сега да видиме како можеме да ти помогнеме за исполнување на сите 4 предуслови за да имаш лето кое ќе го памтиш како азбуката.
Ќе почнеме со пар предлози за плажирање, дел на море, дел на езеро, па потоа ќе се префрлиме на давање идеи и конкретни понудиза планинско-селски туризам, па потоа крај ќе ти дадеме неколку решенија за адреналински туризам и на крај одиме со целата палета на патувачко-авантуристички понуди за драма лето.
П – како Плажа 🌊
Значи, имаме да понудиме од карпа и бетонирана плажа до најситен грчки песок и сериозно добра журка на плажа. Каде? Бирај од Македонија, Грција, Бугарија, Албанија, Црна Гора, БИХ, Хрватска и уште пар дестинации кои нудат атрактивни понуди кои тешко можеш да ги искусиш во една летна сезона. Остај некоја идеја и за следно лето 😉
П.С. Не заборавај да ги понесеш 5-те модни додатоци за лето 2023!
П – како Планина ⛰️
Следно на менито ни се летни авантури на чист воздух, горе во планините, на облаците.
Тука можеш да бираш помеѓу Маврово, Попова Шапка, Банско, Копаоник, Тара и останатите кул понуди за разладено лето на чист воздух во услови на апсолутна тишина.
П.С. Те замолуваме да провериш што да спакуваш за твоето следно патување.
П – како Партали 🪂
Претпоследно на менито за денес ни се адреналинско-авантуристички понуди, дефинитивно нешто што не смееш да го пропуштиш. Зошто? Затоа што еден ден ќе се каеш.
Јавање коњи на Галичник, рафтинг на Тара, летање со параглајдер над Скопје, или АТВ тура низ Галичица, што и да одбереш нема да погрешиш.
П.С. Резервирај си авантура која ќе ти го направи летото сѐ, само не уште едно обично лето.
П – како Понуди на летото ⛱️
Како за крај одиме со целата палета на патувачки понуди кои повеќе од сигурно ќе ти го разубаваат, разиграат и размрдаат летото. Од плажа, планина и езеро, па сѐ до еднодневни тури, урбани прошетки и адреналински авантури. Трк на линкот и одбери што ти душа сака.
Ти посакуваме убаво, среќно и топло лето кое ќе ти ги наполни батериите за остатокот од годината 🧡
Искрено твој,
Тимот на Grouper 🤟
