Запознајте го нашиот тим
Се наближуваме до 10 години постоење, крај на година, ја ситниме чуднава 2020та и правиме една ревизија на што сме направиле, што се случило, мислиме на следната година…
Оваа година не беше лесна. За сите. Прво поради тоа што ни беше директно загрозено здравјето, а второ начинот на работење, комуникација, живеење. Изолација, неизвесност, промени. Иако сите мислат дека на онлајн компаниите им беше лесно и дека дури имаа прогрес, можам да ви потврдам дека не беше баш така.
Read More
Искрено, никогаш не сум била спортски тип, што значи дека секогаш сум имала одбивност кон вежбање, па секако сум се мотивирала себеси да вежбам само поради здравствен бенефит. Порано кога одев на вежбање после работа, цел ден го мислев терминот, како ќе ми биде тешко, дали сум јадела соодветно, дали ќе бидам преморена после тоа и многу други слични мисли ми се вртеа низ глава. Највеќе од сé секако го мразев моментот кога некој ќе ме викне на кафе, театар, дружба или седенка и ќе морав да одбијам зошто сум на вежбање 🙁 Вежбањето го гледав како обврска, а не како избор, незнаејќи дека тоа ќе се смени комплетно преку ноќ.
Read More
Рано наутро е. Сé уште е тишина, јануарско утро, зимски ден. Сличен како оној зимски ден кога се роди Grouper на Градскиот плоштад во Скопје пред 9 години. ПРЕД 9 ГОДИНИ! Тогаш и не беше така тивко. Гласна беше возбудата за нашата нова приказна, гласен беше ентузијазмот за новите почетоци на нешто поинакво на нашиот пазар. Балони со топол воздух, снег, изненадени лица, стотици топли чоколада купени на попуст и започнавме!
Read More
Дечки ја заокружуваме нашата омилена кампања со нашата најдрага мисија. Како што знаете, и оваа година во склоп на кампањата го креиравме планот за донации. Во текот на кампањата, со секоја трансакција направена со картичките на Mastercard дониравме по 2 денари, па така сите вие Mastercard купувачи станавте мали херои кои заедно направивте големо дело. Секоја чест Grouper гурмани!
Водени од мотото “Храна за сите” успеавме да собереме 18 000 денари кои ќе бидат донирани во организацијата што заеднички ја одбравме благодарение на вашите предлози – “Сите Сити“.
Дечки, се ближи еден поинаков викенд – 3 дена исполнети со забава, луди попусти и шопинг до полноќ! Овој петок започнува најголемиот настан на Skopje City Mall, возбудливиот Late Night Shopping, каде ќе имате можност да купувате по ниски цени, од мнооогу брендови и да се забавувате со различни активности за време на целиот викенд.
А, она што е најважно е дека оваа година, ќе може да добиете уште поголеми попусти само со Grouper. Доживејте ја најголемата летна shopping несоница во градот со Grouper и City Mall!
Нашата приказна започна во Јануари 2011 година. Пасијата да ја смениме е-трговијата и навиките за онлајн купување беа нашата главна водилка. Првиот македонски сајт за групни попусти понуди атрактивни попусти и непобедливи зделки кои до тогаш не беа понудени на нашиот пазар—тоа беше главниот поттик за илјадници Македонци да се впуштат во онлајн купување и голем дел од нив да ја направат својата прва онлајн трансакција на Grouper! Но попустите немаше да бидат возможни ако не беше отвореноста на нашите партнери кои ни ја дадоа довербата да ги промовираме нивните услуги, производи, патувања. Стотици компании ја остварија својата прва онлајн продажба преку Grouper!
Развивањето на чувство на единство во еден тим или меѓу тимови во една компанија е одличен начин да се зголеми продуктивноста. А реално еден од најдобрите начини да се постигне и развие ова чувство е преку различни тимски активности и предизвици. Тимот што добро функционира заедно, е секако попродуктивен, поуспешен и посилен. Дополнителен бенефит од ова е и зголеменото чувството на среќа на работното место. Плус, докажано е дека креирањето на здрава врска и комуникација меѓу членовите на тимот допринесува до она добро чуство на “достигнување”. Read More
ДОАЃА СКОПЈЕ ГУРМАН! Со нетрпение ја очекуваме и секој ден се повеќе зборуваме за неа бидејќи оваа година е посебна. Оваа година славиме ЈУБИЛЕЈНА 5-та ГОДИНА!
5-та година од единствената, долгоочекувана, најголема и највкусна кампања посветена на храната и на сите најголеми гурмани. 5-та година со најдобри специјалитети за сечиј вкус, најдобар избор, најголемо гурманско мени и тоа по непобедливи цени!
Месец јуни го претвараме во месец на храната, месец во кој ќе откриете нови места и нови вкусови или ќе го јадете омилениот специјалитет во градот на попуст!
СТАРТ: 5 јуни
Значи дечки, следи месец во кој готвењето дома го ставаме на ПАУЗА и одиме во преку 70 ресторани во градот да дегустираме, да пробуваме разновидна домашна и интернационална кујна со најдобри попусти!
Нешто што нé прави посебно среќни е можноста да се дружиме, забавуваме и натпреваруваме надвор од работната атмосфера. Обожаваме да креираме и испробуваме различни тимски активности во кои секој член од нашето Grouper семеjство може да се пронајде и забавува. Некогаш е потребно само добра идеја и позитивен дух за да се зарази целиот тим со позитивна енергија и желба за заедничка активност, дружба и знаења.
Ние сметаме дека колегите може да прераснат во пријатели, а тимот во најмоќно оружје на секоја компанија само доколку константно се вложува во негова едукација, надградба и дружби од секаков тип.
Кога сме кај делот дружби, не подразбираме само одење во кафана или afterwork cocktail party (што всушност e супер :)) туку и нешто повеќе и поразлично што би поткренало натпреварувачки дух, забава, борба за знаење и игра.
За таа цел оваа пролет решивме да ве мотивираме сите вас, тим лидови, сопственици на мали и големи бизнис да ги засукате ракаквите и да организирате тимска дружба за паметење. За да ви ја олесниме работата припремивме низа зделки по супер цена кои ќе ве поттикнат да го размрдате мозокот, тимскиот дух и да се забавувате заедно со колегите во малку поинаква атмосфера. Read More
Има еден интересен нов тренд кој е сé поприсутен во Скопје, а тоа се тимските after-work дружби за тимовите кои вредно работеле во текот на денот! Тимот на Grouper секогаш е за дружба, па станато ни е традиција еднаш месечно да „се видиме“ во кафана со мезе и топено сирење, од време на време да решаваме загатки во Escape Room или да склопиме пикник со грицка и гитари кога ќе расцветаат првите липи.
На токму една од тие after-work дружби и дојдовме до идејата да организираме едно поинакво тимско дружење, од нашиот тим за сите македонски тимови – овојпат во форма за „борба за знаење“! Го крстивме Biz Quiz и стана првиот организиран квиз настан кој е во основа trivia натпревар помеѓу македонските компании! Место каде сите можат да научат нешто ново, да се запознаат со нови луѓе од други компании и едноставно да се забавуваат и да се „тестираат“ колку знаат на овој неколку-часовен after-work.
Првите храбри колеги кои се пријавија и формираа тимови беа од: EVN Македонија, Холандска Амбасада, VIP, Energy Maintenance Solutions (EMS), KEMET, MEDIAGENIX, Sourcico, Машински факултет, Systems for Enterprise и Web Factory!