Се наближуваме до 10 години постоење, крај на година, ја ситниме чуднава 2020та и правиме една ревизија на што сме направиле, што се случило, мислиме на следната година…
Оваа година не беше лесна. За сите. Прво поради тоа што ни беше директно загрозено здравјето, а второ начинот на работење, комуникација, живеење. Изолација, неизвесност, промени. Иако сите мислат дека на онлајн компаниите им беше лесно и дека дури имаа прогрес, можам да ви потврдам дека не беше баш така.
Но секако, сакаме да се фокусираме на убавите работи и да останеме ведри во оваа сива зима, па со радост ве информираме дека повторно сме номинирани за Сајт На Годината! Секоја година номинација и награди, секоја година, се поголем мотив да бидеме подобри! Вашата поддршка ни е најважна од сé и ни е потврда дека сме на добар пат! Би ви биле благодарни доколку нé поддржите и гласате за нас.
Номинирани сме во следните категории:
- НАЈДОБРА МОБИЛНА АПЛИКАЦИЈА
- НАЈДОБАР МОБИЛЕН САЈТ
- НАЈДОБАР САЈТ ЗА Е-ТРГОВИЈА И ОГЛАСИ
- НАЈДОБРА ФЕЈСБУК ФАН СТРАНА ИЛИ ГРУПА
Сите ги почувствуваме потешкотиите на оваа светска криза, па моравме брзо да реагираме да се прилагодиме на промените, а пред сé да го оствариме нашето ветување дека ќе бидеме секогаш тука за нашите корисници! Еве што направивиме изминатава пандемиска година.
- Лансиравме нов огромен проект Grouper Shopping Mall – новиот револуционерен продукт кој му овозможува на секој бизнис на брз и лесен начин да се приклучи во е-трговијата и да ги продава своите производи онлајн. Ова е најголемиот онлајн трговски центар кој ќе ги задоволи сите потреби на еден корисник, но и бизнис.
- Лансиравме Grouper Food за да доставиме храна во вашите домови и за време на полициски час, карантин и изолација, секој ден, во секое време!
- Отворивме нова секција Супермаркет, за да може во оваа чудна ситуација да останеме безбедни и да добиете намирници на својата адреса наместо да чекате на каса.
- Реагиравме брзо и порано од вообичаено ја организиравме омилената кампања “Дестинација Македонија“ за да помогнеме на нашиот туризам и да овозможиме попусти за патувања низ земјава во време на криза.
- Организиравме голема наградна игра со Mastercard како екстра мотив за нашите корисници. Играта е сеуште во тек и можеш да освоиш Samsung S20!
- Заедно со Пивара Скопје направивиме кампања за поддршка на кафаните и рестораните во време на криза – “Развесели кафана”
- Организиравме кампања за здравје “Остани Здрав” во која понудивме големи попусти на здравствени прегледи во време на здравствена криза.
- Заедно со MATA – Macedonian Artisans Trade Association подготвивме новитет кампања Крафт Арт: онлајн базар на рачни изработки за сите вас, да ги поддржиме сите занаетчии, ракотворци и уметници. Ова е традиционален базар, но прва година го реализираме онлајн.
- По повод нашиот 9ти роденден се ребрендиравме и ја организиравме популарната кампања “Златни Зделки”
А што следи во 2021? Се надеваме најпрво здравје, тоа сфативме дека е најважно нели? Веруваме дека ова ќе заврши што побрзо и сите ќе можеме повторно заеднички да уживаме во буквално нормален живот. Ама старото нормално…како порано…со зделки и патувања на раат!
Останете безбедни,
Ве сака вашиот Grouper
