Топ 5 филмови за 2014, најдобрите 10 запросувања, 5 најслушани песни, најпребарувани зборови на Google, топ 15 моменти во 2014… Бидејќи овој период од годината е резервиран за сумирање на сработеното, ние ги споделуваме Grouper ТОП најпродаваните зделки за 2014 со вас.
No.1 Храна и оваа година е најпродавана категорија – уште еднаш покажавме дека сме нација која е “гладна” за добра храна. Од објавени 195 зделки за храна и пијалок во 2014 ги издвојуваме најпродаваните 4. “Every Day” со продадени 1354 купони за топено сирење во фурна со пелате сос + фурнарини. Ем вкусно, ем на попуст 🙂 Се изедоа и вкупно 1020 пици во пицерија “Мечос”, а во добро познатата градска кафана “Кај Злате” се продадоа вкупно 1000 комплет гурмански оброци (месо по избор + гарнир + пијачка). Ниту еднаш досега не се случило да се продадат 874 торти во толку краток период. Групер и “Канела” го направија и тоа. Со овие бројки категорија Храна дефинитивно ги сруши сите рекорди на продажба.
No.2 Планина, спа и добар хотел е секогаш одлична опција за вистински одмор. Зделката од “Hotel Trinity” ја смести категоријата Патувања на второ место со продадени 538 купони.
No.3 И годинава никого не оставивме неспремен за летото. Вкупно 434 купони за солариум третман – сите со посакувана боја заминаа на одмор. Благодарение на супер акцијата на козметичкото студио “Марина”. Оваа најпродавана зделка ја обезбеди категоријата Убавина во ТОП листата.
No.4 За споменот да остане вечен, годишните авантури се испринтаа и беа продадени 325 купони за развивање на 10 фотографии од “Фото Дичо” (мала математика: до 3250 фотографии – испринтани и доставени низ цела Македонија).
Ова не е единствена зделка која е доказ дека категоријата Производи е ултра популарна. Вкупно 106 семејства до сега го купија Tesy панелот за греење. Топол дом секогаш е место за уживање. Со ова “Setek” влегува во категоријата на најпродавани производи за 2014 година.
No.5 Од многуте објавени зделки за здравствени услуги, очниот преглед од ПЗУ Оптикус и обезбеди место на категоријата Здравје во овој пост. Од ординацијата презадоволни за постигнатото, ние горди на успешната понуда и 266 корисници со подобрен вид.
Големите бројки се мотивација за уште подобри зделки, а уште повеќе кога се проследени со коментари од задоволни корисници. Купувајте, хранете се добро, бидете здрави, патувајте, правете моменти за паметење и бидете среќни во Новата 2015.
