blog-naslovna

Пробајте ја оваа празнична игра за вашиот тим!

Многу луѓе кои ме познаваат се убедени дека не постои некој во земјава што повеќе го сака овој празничен период од годината од мене. А кога љубителот на игри и изненадувања во мене ќе се спои со љубителот на празници доаѓаме до моето омилено–празнични тимски игри. Secret Santa ни е традиција веќе 5 години, а сé повеќе компании ја практикуваат и кај нас како игра за подарување чија цел е да покажеш колку го знаеш колегата на кој си му “Таен Дедо Мраз”.

За оние кои не ја играле Secret Santa функционира на следниот начин:

  1. Секој колега добива друг колега по случаен избор на кој му е Таен Дедо Мраз (ние за тоа ја користиме оваа апликација - се внесуваат сите колеги и кога сите ќе се приклучат, на секој член му стига името на кого треба да му купи подарок)
  2. Сите колеги купуваат подарок за својот човек и ги оставаат скришно во вреќата под елка (на подарокот го пишува името за кого е поклонот)
  3. Се собирате сите заедно на отварање поклони

Ако сакате да воведете повеќе елементи на игра, (како ние) еве кои дополнителни правила ги практикуваме:

  • Лифчето со името на подарокот треба да е печатено со одреден фонт што сме го обрале (да не е на рака за да не се препознае ракописот)
  • Кога отвараме подароци, имаме еден водител (Цуре е кај нас секоја година), ги чита еден по еден сите и доделува поклони
  • Еден по еден отвараме поклони и лицето што отвара има 3 обиди да погоди од кого му е поклонот (сите други се неутрални) и не се кажува одма дали го подогил
  • Еден е елф записничар и на табла пишува кој кого посочил дека му е Secret Santa
  • Кога сите ќе ги отворат поклоните и кажале по 3ца од кого мислат дека му е поклонот одиме еден по еден и прозиваме во стил “Елена дали ти го купи поклонот на Драгана” итд.
  • Победник е тој што погодил од прва, а ако има повеќе такви тој што бил повеќе пати спомнуван во играта т.е другите колеги го кажувале најмногу кога кажувале од кого им е поклонот.

И оваа година, 5та по ред игравме Secret Santa како увертира на предновогдишната тимска прослава, ама покрај ова, имавме и Upgrade со нова игра за подарување.

Новата празнична игра нема име (или барем јас не и најдов). Кога веќе ни беше закажана Secret Santa ја дознав од сестра ми која ја играла со колеги во Холандија и бидејќи не ми се чекаше до следната година решив да биде овогодишеншиот компаниски Surpise. Играта е едноставна, потребни се подароци и 2 коцки. Еве како функционира…

Прв круг

  1. Секој колега купува по 1, 2 или 3 подароци во XXX определен буџет. (кај нас бидејќи беше изненадување за тимот, Grouper беше Дедо Мраз и купи 30 различни подароци), ги пакува како сака и ги носи на денот на размената на подароци.
  2. Сите поклони се ставаат на еден куп и започнува играта.
  3. Еден по еден во круг секој член врти 2 коцки. Ако му се паднe барем една 6ка си бира поклон од купот.
  4. И така натаму кругот оди додека не се истрошат сите подароци од масата.
  5. Кругот завршува кога се потрошиле сите подароци и евенутално некој ќе заврши со 3-4 подароци кај себе, а некој без ниеден.

Втор круг (тука почнува интересното):

  1. Се става тајмер на 15-20 мин (колку сакате) и еден го прати тајмерот.
  2. Сите почнуваат пак по ред да вртат и ако се падне шеска, му земаат некој од подароците на било кој од колегите кој има над 1 подарок. (ако има само еден не смее да му го земат).
  3. Играта завршува кога ќе заврши тајмерот.

На крајот од играта сите завршуваат со барем 1 подарок. Некои среќници со многу свртени шестки кај нас завршија со по 4 и 5 подароци. После сите си ги отвараат подароците да видат што добиле.

За да е појасно и да ја видите енергијата и смеењето што го предизвикува играта, го документиравме цел процес и склопивме едно видео.

Среќни празници, уживајте, сакајте се, подарувајте, изненадувајте
Со многу празнична енергија и љубов,
Нина

Nina Angelovska

Nina Angelovska

Ко-сопственик на Grouper.mk